कवितेचा मळा फुलवतो आहे..

चिंब भिजलेल्या हृदयात माझ्या,
शब्दांची पेरणी करतो आहे,
तुझ्या प्रेमाच्या सिंचनाने,
कवितेचा मळा फुलवतो आहे!

 जाई-जुईला बहर आलाय,
रातराणी गालात हसतेय…
प्रेमाचा गुलाब तर केव्हाच बहरलाय
सोनचाफा वाऱ्यावर डोलतो आहे….
तुझ्या प्रेमाच्या सिंचनाने,
कवितेचा मळा फुलवतो आहे!

हृदयात छोटासा मळा आकारत आहे
पहाटेच्या वेळी पडलेले स्वप्नं साकारत आहे
तांबडं तर केव्हाच फुटलंय,
मनाच्या क्षितिजावर सूर्य उगवतो आहे
तुझ्या प्रेमाच्या सिंचनाने,
कवितेचा मळा फुलवतो आहे!